Shërbimi Spitalor Klinik dhe Universitar i Kosovës, ka bërë të ditur se për herë të parë në Kosovë, ka filluar aplikimi i metodës më të avancuar të trajtimit, Radioterapia Stereotaktike.
Siç njofton ShSKUK-ja, është bërë e ditur edhe se kjo metodë është shumë e sofistikuar dhe përdoret për trajtimin e tumoreve dhe metastazave në tru, me dimensione prej 1 deri në 3 cm, duke rritur në mënyrë të ndjeshme efektivitetin e trajtimit.
‘‘Ky zhvillim i ri do të ulë ndjeshëm këto kosto dhe do të mundësojë trajtim cilësor brenda vendit. Ky hap shënon një arritje të madhe për shëndetësinë në Kosovë dhe një avancim të rëndësishëm në trajtimin e tumoreve, duke ofruar shpresë dhe përkujdesje më të mirë për pacientët dhe duke kursyer burimet financiare të vendit’’, thuhet në njoftimin e publikuar nga Shërbimi Spitalor, Klinik dhe Universitar i Kosovës.
