Domatet janë të mbushura me vitamina, minerale, antioksidant dhe komponime tjera bimore të cilat ofrojnë përfitime të shumta shëndetësore.
Sipas disa hulumtimeve është vërtetuar se këto vlera ushqyese që i gjejmë te domatet, mund ta mbrojnë organizimin e njeriut nga sëmundje të shumta, përfshirë këtu sëmundjet e zemrës dhe kancerin.
Prandaj, konsumimi i një supe me domate mund të jetë një mënyrë e shijshme për t’i përfituar të mirat shëndetësore të domateve, transmeton Koha.
Domatet po ashtu përmbajnë pak kalori, ndërsa janë të mbushura me vlera ushqyese të mira si: Carbohidratet e pasura, fibrat, proteinat, vitamina C, vitamina K, vitamina A dhe kaliumi.
Prandaj, preferohet që supën e domateve ta shndërroni në ushqim të zakonshëm në kuzhinën tuaj, si verës ashtu edhe gjatë dimrit.
Një tjetër përfitim i këtij ushqimi është edhe fakti se domatet janë burim i pasur i antioksidatë, konsumimi i së cilëve lidhet me zvogëlimin e rrezikut për t’u prekur nga kanceri, inflamacionet, sëmundjet e zemrës dhe obeziteti.
Derisa supa e domateve është e lehtë për t’u përgatitur si dhe i ofron disa dobi të rëndësishme shëndetësore, përfshirë këtu edhe përmirësimin e lëkurës, shikimit, forcimin e eshtrave, rritjen e fertilitetit tek meshkujt dhe forcimin e imunitetit, megjithatë nuk ka fakte të cilat i mbështesin pretendimet se supa e domates nxit rritjen e flokëve dhe eliminon dhjamin në trup.
Mirëpo konsumimi i supës së domateve nuk është i mirë për ju. Nëse vuani nga sëmundja e refluksit gastroezofageal.
Po ashtu preferohet që këtë ushqim të shijshëm dhe të dobishëm për shëndetin, ta përgatisni vet në shtëpi, sepse kështu mund ta menaxhoni sasinë e kripës dhe yndyrave që doni t’i konsumoni.
