Përshtati; Psikoterapeut Ylli Avdijaj
Neglizhenca emocionale në fëmijëri minon besimin tek trupi i vet
Një studim i ri thekson ndikimin shpesh të anashkaluar të abuzimit dhe neglizhencës emocionale në ( ndjeshmëri të ulët ndaj trupit të tyre të brendshëm) interoception – një aspekt thelbësor i shëndetit emocional dhe fizik.
Meta-analiza e tyre, e cila përfshiu gati 4,000 pjesëmarrës, tregon se këto forma të keqtrajtimeve lidhen me një ndjeshmëri të ulur dhe mungesë besimi ndaj sinjaleve trupore personale.
Kjo mungesë besimi ndaj trupit mund të ndikojë në rregullimin e emocioneve dhe të rrisë vulnerabilitetin ndaj çrregullimeve të shëndetit mendor, si depresioni, ankthi dhe çrregullimet e të ngrënit.
Studimi thekson se keqtrajtimi emocional mund të lërë plagë të thella dhe afatgjata psikologjike, edhe pse shpesh është më pak i dukshëm se abuzimi fizik apo seksual.
Autorët bëjnë thirrje për më shumë ndërgjegjësim, parandalim dhe ndjeshmëri ndaj nevojave emocionale të fëmijëve, si në shoqëri ashtu edhe në sistemin e kujdesit për shëndetin mendor.
Janë duke u zhvilluar studime të mëtejshme për të eksploruar më thellë këto lidhje tek adoleshentët. /Neuroscience News
