A ndiheni të lodhur, të trishtuar apo nën stres? Mos e kërkoni gjithmonë përgjigjen në kokë – ndoshta ajo ndodhet në zorrët tuaja
Kush do ta mendonte, por zorrët – dhe bakteret që jetojnë aty – mund të ndikojnë drejtpërdrejt në humorin, energjinë dhe madje edhe në rrezikun për depresion. Sot, shkenca e quan sistemin tretës “truri i dytë”, dhe për arsye të forta.
Çfarë zbulon shkenca?
Një studim i publikuar në revistën e njohur Nature Microbiology ka analizuar mikrobiomin e 1.000 personave që vuajnë nga depresioni. Rezultatet treguan një përbashkësi të habitshme: këta persona kishin ndjeshëm më pak “baktere të mira” në zorrë, krahasuar me ata që nuk kanë probleme me shëndetin mendor.
“Kjo është hera e parë që kemi zbuluar një lidhje të qartë mes mikrobiomit dhe depresionit. E ardhmja e trajtimit mund të jetë te koktejet e baktereve nga zorrët,” – thotë Jeroen Raes, autor i studimit.
Si ndikojnë bakteret e zorrëve në trurin tonë?
Në trupin tonë ekziston një linjë komunikimi e drejtpërdrejtë midis zorrëve dhe trurit, e quajtur boshti zorrë-tru. Kjo lidhje funksionon përmes nervit vagus dhe përmes kimikateve si:
Serotonina – mbi 90% e saj prodhohet në traktin tretës.
Dopamina, GABA dhe të tjera neurotransmetues që ndikojnë drejtpërdrejt në humor.
Citokinat inflamatore që ndikojnë në sistemin nervor dhe emocionet.
Kur bakteret e dobishme janë në nivel optimal, ato ndihmojnë në prodhimin e këtyre substancave dhe ruajnë një ekuilibër emocional dhe mendor.
Si ta kuptoni që mikrobiomi juaj është i paekuilibruar?
▪ Fryrje, gazra të shpeshta, kapsllëk apo diarre
▪ Probleme me gjumin dhe lodhje e pashpjegueshme
▪ Rënie e humorit dhe ankth
▪ Ulje e imunitetit dhe sëmundje të shpeshta
▪ Probleme me lëkurën (puçrra, ekzemë)
Çfarë mund të bëni për të përmirësuar mikrobiomin tuaj?
1. Ushqehuni siç duhet:
▪ Hani ushqime të pasura me fibra (perime, bishtajore, drithëra integrale)
▪ Përdorni probiotikë natyralë (kos, kefir, turshi natyrale)
▪ Mos harroni prebiotikët – ushqim për bakteret (banane, hudhra, qepë)
2. Shmangni:
▪ Ushqimet e përpunuara dhe me shumë sheqer të shtuar
▪ Alkoolin dhe kafeinën në sasi të tepruar
▪ Antibiotikët pa nevojë, që shkatërrojnë bakteret e mira
3. Pini shumë ujë dhe lëvizni rregullisht – aktiviteti fizik ndihmon tretjen dhe balancimin e mikrobiomit.
4. Menaxhoni stresin – meditimi, joga, shëtitjet në natyrë dhe pushimi cilësor ndikojnë pozitivisht në shëndetin e zorrëve.
Fundja, zorrët nuk janë vetëm për tretje – ato janë gardianët e humorit dhe të qetësisë sonë mendore.
Mos i neglizhoni. Ushqeni me dashuri dhe shëndeti juaj mendor do t’ju falënderojë.
