Duke pasur parasysh se rreziku i sëmundjeve neurologjike rritet me rritjen e moshës, një pyetje që shpesh i bëj pacientëve të mi është: “Cila është vitamina më e mirë për të mbrojtur trurin tonë nga plakja?”. Secila prej mikrobiomave tona është si një shenjë gishti, kështu që një plan ushqimi efektiv është i personalizuar për nevojat unike të një individi. Por grupi i vitaminave që kam më shumë prioritet për të mbajtur trurin tim të ri dhe të shëndetshëm janë vitaminat B
Nga Dr. Uma Naidoo
Si një psikiatre ushqyese, gjithmonë mbaj një dietë të ekuilibruar mirë. Në pjesën më të madhe sigurohem që marr të gjitha vitaminat e duhura, veçanërisht sepse është thelbësore për të parandaluar rënien konjitive. Dhe duke pasur parasysh se rreziku i sëmundjeve neurologjike rritet me rritjen e moshës, një pyetje që shpesh i bëj pacientëve të mi është: “Cila është vitamina më e mirë për të mbrojtur trurin tonë nga plakja?”. Secila prej mikrobiomave tona është si një shenjë gishti, kështu që një plan ushqimi efektiv është i personalizuar për nevojat unike të një individi. Por grupi i vitaminave që kam më shumë prioritet për të mbajtur trurin tim të ri dhe të shëndetshëm janë vitaminat B.
PËRFITIMET E TRURIT NGA VITAMINAT B
Depresioni, demenca dhe dëmtimi mendor shpesh shoqërohen me mungesë të vitaminave B, zbuloi një studim nga Shkolla e Mjekësisë e Universitetit Shtetëror Wayne. “Mungesa e vitaminës B12 si një shkak i problemeve njohëse është më e zakonshme sesa mendojmë, veçanërisht te të moshuarit që jetojnë vetëm dhe nuk hanë siç duhet”, thotë Rajaprabhakaran Rajarethinam, një psikiatër dhe autori kryesor i studimit. Ekzistojnë tetë vitamina të ndryshme B, secila me përfitimet e veta primare shëndetësore:
- Rritja e energjisë tuaj. Vitamina B1, ose tiamina, është thelbësore për funksionin bazë të qelizave tona dhe metabolizmin e lëndëve ushqyese për energji. Truri është një nga organet metabolike më aktive në trupin tuaj, që do të thotë se ka nevojë për mbështetjen e tiaminës për të parandaluar mangësitë që mund të çojnë në probleme neurologjike, përcjell dritare.net
- Zbërthimi i medikamenteve. Vitamina B2, ose riboflavina, vepron si ndihmëse e enzimave në qelizat tona që kryejnë reaksione të rëndësishme, si në trup dhe në tru.
- Reduktimi i inflamacionit. Vitamina B3, ose niacina, punon me më shumë se 400 enzima për të prodhuar materiale si kolesteroli, yndyrat e nevojshme brenda trupit dhe për të kthyer energjinë për të gjitha sistemet e organeve. Niacina është edhe një antioksidant, i cili ndihmon në reduktimin e inflamacionit të tepërt.
- Mbështetja e shëndetit tuaj të përgjithshëm të trurit. Vitamina B5, ose acidi pantotenik, është thelbësor për krijimin e një përbërje molekulare të quajtur koenzima A, e cila ndihmon enzimat e trupit tonë të ndërtojnë dhe shpërbëjnë acidet yndyrore për energji.
- Luftojnë sëmundjet! Vitamina B6, ose piridoksina, është e dukshme për rolin e saj në parandalimin e sëmundjeve, sepse nivelet e duhura të kësaj vitamine lidhen me rrezikun më të ulët të disa lloje kanceresh. Përveç kësaj, piridoksina ndihmon shumë reaksione kimike në trup që mbështesin funksionin imunitar dhe shëndetin e trurit.
- Ndihmon qelizat të komunikojnë më mirë. Vitamina B7, më së shumti e njohur si biotina, rregullon sinjalet e qelizave për komunikim të shpejtë dhe efikas në të gjithë trupin. Në tru, është thelbësore për sinjalizimin qelizor nëpërmjet neurotransmetuesve.
- Ju ndihmon të ruani ekuilibrin! Vitamina B9, ose folati, është një suplement popullor dhe një vitaminë kyçe për mbrojtjen e shëndetit të trurit, funksionin optimal të neurotransmetuesit dhe shëndetin e ekuilibruar psikologjik. Një përfitim tjetër është se ndihmon në nxitjen e detoksifikimit qelizor.
- Ndihmon zemrën! Vitamina B12, ose kobalamina, është një vitaminë thelbësore për formimin e qelizave të kuqe të gjakut dhe ADN-së dhe për zhvillimin dhe funksionimin e sistemit nervor. B12 mbështet ndarjen e homocisteinës, një proteinë që mund të ndikojë negativisht në shëndetin kardiovaskular.
USHQIMET MË TË MIRA ME VITAMINË B
Vitaminat B janë ndër më të lehtat për t’u futur në dietën tuaj, sepse ushqimet që janë të pasura me të shpesh përmbajnë shumë vitaminat B kur konsumohen si ushqime të plota. Më poshtë ju sjellim gjashtë ushqime të pasura me vitaminë B që unë i ha çdo ditë:
- Një vezë përmban një të tretën e vlerës së rekomanduar ditore të vitaminës B7, ndërkohë që përmban edhe sasi të vogla të shumë vitaminave të tjera B.
- Kosi është i pasur si me vitaminë B2, ashtu edhe në vitaminë B12, si dhe me probiotikë natyralë, të cilët mbështesin shëndetin e zorrëve dhe atë mendor. Më pëlqen kosi i thjeshtë grek për proteinën e shtuar.
- Bishtajoret si fasulet e zeza, qiqrat, edamame dhe thjerrëzat ndihmojnë në rritjen e humorit dhe shëndetit të trurit. Ato janë një burim i shkëlqyer i vitaminës B9 dhe përfshijnë sasi të vogla të vitaminës B1, vitaminës B2, vitaminës B3, vitaminës B5 dhe vitaminës B6.
- Salmoni është natyralisht i pasur me të gjitha vitaminat B, veçanërisht vitaminën B2, vitaminën B3, vitaminën B6 dhe vitaminën B12.
- Farat e lulediellit janë një nga burimet më të mira bimore të vitaminës B5. Ju mund të merrni 20% të vlerës së rekomanduar ditore të kësaj vitamine nga vetëm një dorë fara!
- Zarzavatet me gjethe si spinaqi dhe lakra janë një burim i shkëlqyer i vitaminës B9. Ky është ushqimi i parë që u sugjeroj pacientëve që duan ngrenë humorin.
