Bekim Kupina, këshilltari i presidentes Vjosa Osmani, ka reaguar ndaj anketës së organizuar nga UNDP-ja, e cila tregon për rritje të kënaqshmërisë së qytetarëve ndaj Presidencës.
Kupina ka deklaruar se kjo përqindje është më e larta ndonjëherë në historinë e institucionit të Presidencës.
“Pëlqyeshmëria me punën e Presidentes Vjosa Osmani më e larta në historinë e institucionit të Presidencës. Kënaqshmëria e qytetarëve të Kosovës me punën e Presidentes Osmani, sipas rezultateve të edicionit të 26-të të Përmbledhjes së Pulsit Publik UNDP-së, është 69 %. Kjo përqindje është më e larta ndonjëherë në historinë e institucionit të Presidencës. Lidership, vizion, përkushtim, gardiane e interesit qytetar e shtetëror dhe e aleancave, përfaqësuese e denjë shtetërore”, ka shkruar Kupina.
