Intervistë me poeten: Pranvera Qerimi
Intervistoi për Gazetën Frymëzimi: Fatijona Bajraj
Pranvera u lind pas Luftës me 22.03 2001 në Ferizaj. Shkollën fillore e ka përfunduar në “Dëshmorët e Koshares”, dhe atë të mesme në Gjimnazin “Dr.Shaban Hashani”, në Ferizaj me vlerësimin shkelqyeshëm. Ka përfunduar studimet bachelor, me status të rregullt në Universitetin e Prishtinës në kuadër të Fakultetit Filologjik, në departamentin “Letërsi Shqipe” e regjistruar për herë të parë në vitin 2018/2019. Aktualisht i ndjek studimet post diplomatike në të njëjtën degë. Perveç profesionit, merret edhe me poezi, të cilat janë botuar në revista të ndryshme duke u vlerësuar edhe me çmime.
F.Bajraj: Na folni pak për fillet e karrierës suaj, kur keni filluar të merreni pikërisht me letërsi? Pse bash poezia?
P.Qerimi: Fillet e karrierës mund të them se kanë qenë aty pas përfundimit të fakultetit. Pse pikërisht pas fakutetit, sepse çdo ditë e më shumë korigjoja vetëvetën në këtë fushë, çdo ditë mësoja diçka të re, prandaj edhe publikimin e poezive e fillova aty në prag të përfundimit të studimeve me nivel bachelor. Pse poezia?Këtë e kam përmendur edhe në intervista të tjera sepse këtu shprehem më lirshëm ndaj disa pa rregullësive që ndodhin në jetën tonë e shprehi hapatazi prandaj e ndjeje vetën më komd në këtë fushë.
F.Bajraj: A mendoni që e keni arritur kulmin e karrierës suaj?
P.Qerimi: Mendoj që jo ky është vetëm hapi i parë drejt suksesit dhe nuk mund të them që kam arritur kulmin e karrierës.
F.Bajraj: A kujtoni ndonjë kohë kur mendoni se keni dështuar në këtë fushë?
P.Qerimi: Me raste, atëherë kur nuk kam kohë të lirë të lexoj, që kjo ndodhë rrallë herë sepse po e humba një ditë pa lexuar të paktën një faqe ndjehem e zhytur në thellsinë e detit nga ana e frymezimit dhe gjendja emocionale, prandaj edhe nuk ia lejoj vetës të më ndodhë shpeshherë kjo sepse e kam vështirë t’i rimarrë hapat.
F.Bajraj: Sa e keni pas të vështirë dhe sfiduese të jeni këtu ku jeni sot?
P.Qerimi: Vështirë ka qenë letërsia është një ujvarë e pashterrshme prandaj për të qëndruar në një stad duhet të dish të lundrosh në këtë ujevarë, përndryshe është çështje momenti që ndoshta edhe do të fundosesh.
F.Bajraj: Me çka mirreni jashtë kësaj, keni ndonjë profesion tjetër?
P.Qerimi: Aktualisht po i ndjek studimet post diplomatike në të njëjtën degë dhe sa i perket profesionit mesimdhënëse e gjuhës shqipe ciklit të ulët.
F.Bajraj: A do të ju shohim mbase në një të ardhme të afërt në ndonjë fushë krejtësisht tjetër?
P.Qerimi: Besoj se po, është çështje kohe mirëpo do të lundroj besoj edhe në fusha të tjera.
F.Bajraj: Çfare komenti keni lidhur me gjendjen e letërsisë në përgjithësi në Kosovë?
P.Qerimi: Nuk mund të them letërsi e mirefillet, jo çdo kush që di të shkruaj di të krijojë dhe ky është gabimi më i madh që po e bëjnë masa e gjerë. Gjendje jo e lakmushme, mirëpo edhe jo stad i qëndrushem besoj. Mirëpo për këtë ndoshta do të përgjigjej më mirë ndonjë kritik i kësaj fushe.
F.Bajraj: Planet e juaja që do t’i realizoni së shpejti?
P.Qerimi: Botimi i dy veprave që po punojë që një kohë të gjatë; njëra përmbledhje poezish, dhe tjetra prozë.
F.Bajraj: Si e shihni Kosovën pas 10 vitesh në fushën e letërsisë?
P.Qerimi: Me dëshirën time do dëshiroja ta shikoja në kulm të suksesit, mirëpo kjo nuk varet nga unë shpresoj që të arrij një stad të palëkundshëm.
