Intervistë me autoren: Majlinda Deda
Intervistoi për Gazetën Frymëzimi: Fatijona Bajraj
Majlinda Deda, është 19 vjeqarja e cila ka marrë titullin poete me botimin e saj me përmbledhje poezish të shkruara në formë ditari, me personazhin e krijuar nga vetë ajo të cilin e quajti “Zonja M.”
Majlinda ditarin e Zonjës M. e titulloi “Përtej syve” sepse sipas poetes gjithçka të cilën ne e ndjejmë, pak e shohim me sy, e pjesa e saj magjike është përtej syve.
Majlinda botoi poezitë e saja në revista të ndryshme, si “Pionieri”, “Eliksiri I jetës”, “Uji” etj.
F.Bajraj: Na folni pak për fillet e karrierës suaj, kur keni filluar të merreni pikërisht me letërsi?
M.Deda: Me letërsi kam filluar të merrem që nga shkollimi fillorë, shkruaja shumë, e në të gjitha ato shkrime të mia dominonte poezia. Mbaja një ditarë të vogël ku edhe gjërat e vogla të miat në ato fleta I bartja shpesh me vargje. Atë kohë ishte revista “Pioneri” në të cilën publikoheshin poezitë e mia.
F.Bajraj: Pse bash poezia?
M.Deda: Me poezinë mishërohem qysh herët. Lexoja shumë libra me poezi. Më dukej sikur rrjedha e atyre vargjeve mbante një magji që se përshkruan dot me fjalë. Një poezi të përcjellë tjetër emocion, me pakë fjalë e me pakë rreshta arrin të të tregoj shumë. Po padyshim pjesën tjetër, atë të pa thënën në vargje duhet ta imagjinosh vetë.
F.Bajraj: A mendoni që e keni arritur kulmin e karrierës suaj?
M.Deda: Pa dyshim që jo, ka ende shumë punë për të bërë.
F.Bajraj: A kujtoni ndonjë kohë kur mendoni se keni dështuar në këtë fushë?
M.Deda: Nuk ka shumë kohë që unë I dedikohem poezisë. Nuk kam hasur në ndonjë pikë ku kam menduar se kam dështuar me poezi. E padyshim ndjenjat të cilat mundohem t’i bart me poezi nuk dështojnë kurrë.
F.Bajraj: Sa e keni pas të vështirë dhe sfiduese të jeni këtu ku jeni sot?
M.Deda: Rruga nuk është e lehtë asnjëherë. E sidomos në letërsi. Poezitë e mia shumicën e herave janë me tematikë romancë, por nuk mungojnë edhe motivet e tjera letrare në përgjithësi. Ishte e vështirë, nevojitet punë e përkushtim, mbi të gjitha nevojitet guxim që të shprehësh në një formë ndryshe ndjenjat, qofshin ato dashurie apo dhimbjeje. Shumë pak flasin me vargje, duhet të lexohen e kuptohen në mënyrë që të mos keqinterpretohet ajo çfarë është thënë. Unë ia fala jetën letërsisë, e me këtë përballem me çdo sfidë që mund të has në të gjatë këtij rrugëtimi.
F.Bajraj: Me çka mirreni jashtë kësaj, keni ndonjë profesion tjetër?
M.Deda: Jashtë letërsisë jam studente e shkencave mjekësore, I dedikohem e tëra studimeve të mia këtë kohë. Me letërsi merrem atëherë kur kam nevojë për atë paqen e thellë shpirtërore, e kur truri e trupi është I lodhur nga tematika shkencore, letërsinë kam strehë shpirti në çdo moment.
F.Bajraj: A do të ju shohim mbase në një të ardhme të afërt në ndonjë fushë krejtësisht tjetër?
M.Deda: Nuk besoj. Të nesërmes nuk i dihet asnjëherë, por për momentin nuk besoj që do largohem nga poezia.
F.Bajraj: Çfare komenti keni lidhur me gjendjen e letërsisë në përgjithësi në Kosovë?
M.Deda: Të them të drejtën, të rinjët shumë pak lexojnë, e edhe më pak shkruajnë.
Nuk e di se ku saktësisht qëndron faji këtu por në përgjithësi gjendja e letërsisë lë vend për të dëshiruar ende shumë përmirësim.
F.Bajraj: Planet e juaja që do t’i realizoni së shpejti?
M.Deda: Për momentin jam duke punuar në një libër të cilin do ta promovojmë këtë vit. Ende një datë të saktë nuk kemi, por jemi në punim e sipër.
F.Bajraj: Si e shihni Kosovën pas 10 vitesh në fushën e letërsisë?
M.Deda: Me shpresën që do të ketë përmirësime në vitet në vazhdim, letërsia do të jetë më mirë se tash në këto vitet e fundit. Por që të arrihen rezultatet e kënaqshme nevojitet shumë punë dhe përkushtim.
