Mr.Sc.Majlinda LINDA Shaqiri, vjen nga Medvegja jeton dhe vepron në Kosovë. Është pjesë e institucioneve të Kosovës, mban pozitën e Zyrtares së Lartë për transparencë komunale në Ministrin e Administrimit të Pushtetit Lokal. Është poete, gazetare dhe publicistë po ashtu dhe aktiviste e çështjes kombëtare. Poezitë e saj janë përkthyer në shumë gjuhë të botës si anglisht, frëngjisht, italisht, sutedisht, maqedonisht si dhe janë pjesë e antologjive të shumta në mesin e tyre edhe antologjive botërore. Është fituese e shumë çmimeve për poezi si dhe çmimeve për kontributin e dhënë në aktivitete atdhetare.
Intervistë me autoren: Majlinda Shaqiri
Intervistoi për Gazetën Online Frymëzimi: Fatijona Bajraj
F.Bajraj: Na folni pak për fillet e karrierës suaj, kur keni filluar të merreni pikërisht me letërsi? Pse bash poezia?
M.Shaqiri: M.Shaqiri: Së pari ju faleminderit për mundësinë për të qen pjesë e kësaj rubrike, ju jam shumë mirënjohëse.
Letërsia është një det i thell, të mirrem me letërsi fillova nga bankat e shkollës fillore dhe ate me poezi për fëmijë.
F.Bajraj: Pse bash poezia?
M.Shaqiri: Pse poezia… sepse poezia është vet jeta, është arti i jetës, ashtu që më del nga thellësia e shpirtit dhe çdo gjë që burën në thellësi të shpirtit më së miri shprehet përmes vargut të poezisë. Për mua poezia flet shumë sepse shumëçka mund të shprehet vetëm me një varg nëse jo më shumë.
Unë e dua poezinë dhe për mua ajo është drita dhe rrezja e jetës sime, sakrifica ime, betejat e mia nëpër stinë si dhe suksesi i ngritur në një Kullë qëndrese.
F.Bajraj: A mendoni që e keni arritur kulmin e karrierës suaj?
M.Shaqiri: Jo, nuk mendoj sepse një krijues asnjëherë nuk është i kënaqur me suksesin e tij, çdo herë kërkon nga vetja më shumë, prandaj duhet punë dhe angazhim i pa lodhur deri te kulmi i karrierës.
F.Bajraj: A kujtoni ndonjë kohë kur mendoni se keni dështuar në këtë fushë?
M.Shaqiri: Asnjëherë nuk e kam menduar këtë gjë, ndoshta sepse nuk jam dorëzuar asnjëherë.
Ndoshta kam pas ulje dhe ngritje por dështimi se kam menduar kurrë.
Jam një person pozitiv dhe ndoshta kjo më ka ndihmuar të vazhdoj rrugëtimin pavarësisht gjithçkaje.
F.Bajraj Sa e keni pas të vështirë dhe sfiduese të jeni këtu ku jeni sot?
M.Shaqiri: Po ka qen shumë e vështirë aspak e lehtë, prandaj me durim dhe përkushtim si dhe dashuri mbi të gjitha kam arrit t’i tejkaloj të gjitha barrierat në rrugën time prej krijuesi si dhe atë profesionale.
Të mbështetësh vetveten është puna më e vështirë se sa të mbështesin të tjerët. Duhet shumë vullnet edhe atëherë kur s’e ke duhet me patjetër ta gjesh dhe të ecës para me këmbë në tokë, të jesh gati për beteja të vështira pa e ditur fundin e tyre…pra të GUXOSH të jetosh me forcën tënde atëherë do bëhesh i pa thyeshëm dhe i fortë për të luftuar.
Vetëm kështu do i dalësh ballë çdo stuhie për të arritur aty ku ti donë, drejt synimeve tua.
F.Bajraj: Me çka mirreni jashtë kësaj, keni ndonjë profesion tjetër?
M.Shaqiri: Unë mkirrem me shumë punë apo si të them me shumë gjëra tjera jashtë letërisë.
Mirrem me veprimtari të shumta atdhetare, kombëtare si një aktiviste për të drejtat e shqiptarëve në Luginë të Preshevës, Medvegjë dhe Bujanovc.
Unë vij nga Medvegja dhe misioni im është vendlindja ime para së gjithash. Këtë kontribut mundohem ta jap përmes kanalit dhe portalit informativ Medvegja Sot me profesionin e gazetarisë dedikuar Medvegjës dhe gjithë shqiptarëve kudo në botë.
F.Bajraj: A do të ju shohim mbase në një të ardhme të afërt në ndonjë fushë krejtësisht tjetër?
M.Shaqiri: Mendoj se mund të më shihni në fushat të cilat kanë të bëjnë me artin e të shkruarit, artin skenik si dhe në fushën e gazetarisë duke mos harruar edhe aktivitetet kombëtare.
Por duke e ditur natyrën time për të eksperimentuar me fusha të ndryshme si dihet edhe ndoshta diçka tjetër…
F.Bajraj: Çfare komenti keni lidhur me gjendjen e letërsisë në përgjithësi në Kosovë?
M.Shaqiri: Mund të them se sot në Kosovë kemi shumë prurje të reja, mundësi të shumta për botuar dhe për të bërë libra në numër por jo gjithçka që botohet ka vlerë letërsie.
Kosova ka letërsi të mirëfilltë e cila duhet të kultivohet sa ma shumë e sidomos nga nga brezat e ri.
F.Bajraj: Planet e juaja që do t’i realizoni së shpejti?
M.Shaqiri: Te unë ndodh çudi, sepse nëse diçka kam në fokus të realizoj e realizoj…
F.Bajraj: Si e shihni Kosovën pas 10 vitesh në fushën e letërsisë?
M.Shaqiri: E mendoj të zhvilluar dhe të integruar në nivele të lartë në letërsinë botërore sepse i kemi të gjitha mundësitë vetëm duhet përkushtim dhe angazhim më shumë.
