Është hapur konkursi për krijimin e sheshit monumental të komandantit legjendar, Adem Jashari në Prishtinë.
Kjo është bërë e ditur nga ana e kryetarit të Komunës së Prishtinës, Përparim Rama.
‘’Komandant Prishtina të pret.Kemi hapur konkursin për krijimin e sheshit monumental të komandantit legjendar, Adem Jashari, që do ta ketë pjesë thelbësore monumentin e qëndresës, guximit dhe lavdisë së heroit të kombit dhe familjes Jashari, si një prej themeleve më të rëndësishme të lirisë së vendit’’, ka shkruar Rama në rrjetin social në Facebook.
Sipas Ramës, ky shesh do të shërbejë jo vetëm si një simbol i sakrificës së tyre të madhe, por edhe si një vend ku brezat e sotëm dhe të ardhshëm mund të mësojnë një prej kapitujve më të rëndësishëm në historinë e kombit tonë.
