Intervistë me autoren: Zizë Pepshi
Intervistoi: Fatijona Bajraj
F.Bajraj: a flisni pak për fillet e karrierës suaj, kur keni filluar të merreni pikërisht me letërsi? Pse bash proza/poezia/përkthimi?
Z.Pepshi: Fillet e karrieres për poezinë e kam trashëguar nga gjyshja ime! Ndoshta poezia ka qenë në familjen time para se unë ta kuptoja se një ditë do të bëhej pjesë e jetës sime. Vargu, si kënga, shpesh lind aty ku zemra ka diçka për të thënë.
F.Bajraj: A mendoni që e keni arritur kulmin e karrierës suaj?
Z.Pepshi: Jo nuk mendoj që kam arritur kulmin e karrierës, ndoshta në politikë them se kam dhënë kontributin tim, sepse kjo mua nuk më lejonte të isha indiferente. Ani pse jeta më goditi pikërisht në mërgim, ku humba bashkëshortin, babain e dy fëmijëve tanë, përmes dhimbjes dhe vuajtjeve nuk u ndala. Eca dhe eca deri në realizimin e Pavarësisë së Kosovës. Ndonjëherë dhimbja të rrëzon, por ndonjëherë ajo të jep edhe forcën për të vazhduar. Për mua dashuria ndaj atdheut ishte pikërisht ajo forcë.
F.Bajraj: A kujtoni ndonjë kohë kur mendoni se keni dështuar në këtë fushë?
Z.Pepshi: Ndoshta nuk do të thoja që kam dështuar, por mund të kem pas gurë gjatë gjithë udhëtimit tim, politik dhe krijues…
F.Bajraj: Sa e keni pas të vështirë dhe sfiduese të jeni këtu ku jeni sot?
Z.Pepshi: Krejt thjesht dashuria ndaj atdheut, ndaj popullit tim, i cili po përjetonte dhunë dhe terror nga armiku më çnjerëzor, duke përdorur metodat më naive nga ndalimi i shkollave dhe universiteteve deri te lufta e fundit gjenocidiale.
F.Bajraj: Me çka merreni jashtë kësaj, keni ndonjë profesion tjetër?
Z.Pepshi: Baras kësaj merrem me dashurinë ndaj familjes dhe popullit tim. Pra ky them se është profesioni më më vlerë !
F.Bajraj: A do të ju shohim mbase në një të ardhme të afërt në ndonjë fushë krejtësisht tjetër?
Z.Pepshi: Nuk e di, por një gjë do të them: jeta sjellë mrekullitë e saj…
F.Bajraj: Çfarë komenti keni lidhur me gjendjen e letërsisë në përgjithësi në Kosovë?
Z.Pepshi: kam koment pozitiv…
F.Bajraj: Planet e juaja që do t’i realizoni së shpejti?
Z.Pepshi: Po ja lëmë kohës…
F.Bajraj: Si e shihni Kosovën pas 10 vitesh në aspektin e letërsisë?
Z.Pepshi: Me zhvillimet teknologjike, nuk mund të them diçka që do të mbetët e natyrshme letërsia. Kam dyshimet e mia…
Faleminderit dhe respekt pafundësisht!
