Humbëm
u thyem
po nuk u shuem
mbetëm në errësinë, të mbramët pishtarë
të krisun
nji tufë kryengritësish të pandreçshëm
të patrembun
herët a vonë: ngadhënjimtarë
U therrëm
tradhëtisht u pëgjakëm
pa u zmbrapsë
për t’Vërtetën – fanatikë besimtarë
sa kur dukej se kapërdinë gjithçkanë
i fikëm si qirinj ata shpirtna barbarë
Nji mjegull ia behu, po shtegun nuk e lëshuem
Të uritun për fitore si ujqit në dimën
Në të errtën ditë, nuk u verbuem
Veç me gjymtyrët tona e ndezëm stinën
