Shoqëria Bjeshkatare dhe Alpiniste “Vjosa” nga Shtimja organizoi ecjen përkujtimore në nderim dhe kujtim të Masakrës së Reçakut. Në këtë ecje përkujtimore morën pjesë anëtarët e SHBA “Vjosa”, pjesëmarrës nga shoqëritë bjeshkatare nga Komunova, Shkupi, Hani Elezit, Prishtina dhe Ferizaj, si dhe pjesëtarë të Organizatës për Kulturë dhe Edukim “Frymëzimi” nga Skenderaj.
Në këtë ecje, ndër të tjerë ishte gjeneral Shukri Buja, i cili dëshmoi për luftën e Ushtrisë Çlirimtare të Kosovës në përgjithësi dhe Betejës së Reçakut në veçanti. Në këtë ecje ishte dëshmitari i Masakrës së Reçakut, Ramë Shabani, i cili i përcolli pjesëmarrësit në vendet ku ndodhi krimi dhe dëshmoi për tmerret dhe vuajtjet e asaj dite makabre janari.
Në fund të ecjen përkujtimore u shpërndan mirënjohje për pjesëmarrësit dhe mysafirët specialë të këtij organizimi.
