Intervistë me Koordinatorin e Ballkanit të Këshillit Botëror të Shtypit Elektronik: BURAK DEMIRKOL
Intervistoi: Fatijona Bajraj
F.Bajraj: Cili është kuptimi i Këshillit Botëror të Shtypit Elektronik?
B.Demirkol: Këshilli Botëror i Shtypit Elektronik, në anglisht Union Council of the World Electronic Press, është një organizatë ndërkombëtare e pavarur që bashkon mediat digjitale dhe elektronike në mbarë botën.
F.Bajraj: Cili është qëllimi i tij?
B.Demirkol: Qëllimi kryesor i këshillit është:
Të mbështesë zhvillimin etik të shtypit elektronik, të mbrojë të drejtat e gazetarëve digjitalë, të forcojë rolin e mediave digjitale në qasjen ndaj informacionit, të rrisë edukimin mediatik digjital në vendet anëtare, të promovojë gazetarinë që bazohet në paqe, demokraci, të drejtat e njeriut dhe transparencë.
F.Bajraj: Në sa shtete keni përfaqësues aktualisht?
B.Demirkol: Deri në vitin 2025, Këshilli Botëror i Shtypit Elektronik ka përfaqësues zyrtarë në mbi 30 shtete. Këta përfaqësues krijojnë ura bashkëpunimi mes mediave lokale dhe rrjeteve ndërkombëtare.
F.Bajraj: Si përkufizohet qëllimi në shtypin elektronik?
B.Demirkol: Qëllimi në shtypin elektronik është:
Mbështetja e kalimit nga media tradicionale në atë digjitale, sigurimi i rrjedhës së saktë dhe të paanshme të informacionit, nxitja e përdorimit të përgjegjshëm të mjeteve të reja të medias (rrjetet sociale, gazetaria online, TV-të online etj).
Gjithashtu, ndërtimi i një rendi të ri mediatik të integruar me inteligjencën artificiale dhe teknologjitë e reja është ndër synimet kryesore.
F.Bajraj: Cilat janë aktivitetet tuaja?
B.Demirkol: Organizimi i samiteve ndërkombëtare të medias, ofrimi i programeve trajnuese për gazetarët, hartimi i raporteve për lirinë e shtypit dhe të drejtat digjitale, bashkëpunimi me përfaqësuesit lokal për aktivitete mediatike, krijimi i programeve mbështetëse dhe praktika për gazetarët e rinj.
F.Bajraj: Çfarë dëshironi të bëni në Ballkan?
B.Demirkol: Të forcojmë rrjetet digjitale të medias në rajonin e Ballkanit, të krijojmë akademi mediatike për gazetarët e rinj, të ndërtojmë platforma shumëgjuhëshe në gjuhën shqipe, turke, boshnjake etj. Të mbështesim komunikimin paqësor ndërmjet komuniteteve etnike përmes medias. Të ofrojmë mundësi bashkëpunimi me media ndërkombëtare për gazetarët rajonalë.
F.Bajraj: Çfarë dëshironi të realizoni aktualisht në Kosovë si E-Shtyp?
B.Demirkol: Të mbështesim infrastrukturën e medias digjitale në Kosovë, të krijojmë bashkëpunime dhe trajnime me gazetarët vendas, të ngrini një rrjet të mediave elektronike në Kosovë, të forcojmë bashkëpunimin mes gazetarëve shqiptarë dhe turq, të zhvillojmë projekte pilot për ta bërë Kosovën një qendër të medias digjitale në Ballkan.
