Sot në Kosovë pritet kulminacioni i valës së nxehtësisë tropikale me temperatura maksimale nga 33 deri në 36°C. Gjatë ditës pritet mot me diell dhe me vapë intensive verore dhe me shumë pak vranësira.
Në Shqipëri dhe tërë viset tona sot pritet të mbajë mot me diell dhe mjaft i nxehtë dhe pa ndonjë gjasë për reshje atmosferike.
Përderisa e diela pritet të jetë dita më e nxehtë një front i ftohtë ajror afrohet nga veriperëndimi apo nga Alpet evropiane. Ky front freskon motit në fillim të javes së re por fronti nuk është i pasur me lagështi, prandaj nuk priten reshje shiu me disa përjashtime.
Fillimi i javës së re sjellë përfundimin e valës së nxehtësisë, pra priten ulje të temperaturave dhe reshje sporadike kryesisht në disa vise kodrinore-malore të Shqipërisë dhe Maqedonisë së Veriut. Në viset bregdetare temperaturat do të shënojnë ulje të lehta, ndërsa në viset kontinentale temperaturat ulen më ndjeshëm, megjithatë mbetet relativisht ngrohtë dhe me diell e vranësira të herëpashershme, por kryesisht pa reshje atmosferike.
