Klubet sportive në Prishtinë kanë themeluar Asociacionin e Klubeve Sportive Prishtina, nismë e finalizuar suksesshëm nga klubet e meshkujve dhe femrave të basketbollit, volejbollit, hendbollit dhe futsallit, raporton Ekonomia Online.
Unioni i klubeve do të quhet “Klubet Sportive Prishtina” dhe do të përbëhet nga klubet emblemë të sporteve të kryeqytetit, ndërsa synim kanë përmirësimin e organizimit të klubeve sportive në Kryeqytet.
Kryetari i KB “Prishtina” Blerand Stavileci, njëherësh kryetar i Asociacionit tha se qëllimi i këtij asociacioni është sigurimi i mëtejm i sponzorëve.
“Të gjithë e kemi një qëllim, e qëllimi është fitorja. Prishtina si kryeqytet i ka 133 tituj së bashku dhe arsyeja kryesore krahas bashkëpunimit është edhe sponzorizimi. Ne e kemi dizajnua një llogo dhe ajo do të jetë pjesë integrale e të gjitha ekipeve sportive, në krye me një plis që përfaqëson tifozërinë ‘Plisat’”, tha Stavileci.
Kryetari i Prishtinës, Përparim Rama, premtpi më shumë përkrahje për klubet e kryeqytetit.
“Kam qenë optimist por kulmi i saj është kur i kam takuar në zyre organizatorët dhe fokusi ka qenë gjithpërfshirës. Kur bashkohemi e kemi forcën më të madhe drejtë suksesit. Mundësia për joshje të sponzorëve është më e madhe dhe mundëson që fëmijët të ndërlidhen me sporzin. Sporti nuk është vrtëm fizike potrmendore dhe energji pozitive. Si kryetar komune jam prapa jush dhe do të më keni gjithmonë”.
Basketbolli, Hendbolli, Futsalli, Volejbolli do të jenë pjesë e këtij unioni. Basketbolli do të përfaqësohet me dy klubet, KB Prishtinën (M) dhe KB Prishtinën(F). Hendbolli gjithashtu do të jetë në dy gjinitë, KH Prishtina (M) dhe KH Prishtina (F). Njëjtë do të jetë edhe volejbolli sport që përfaqësohet nga dy klubet KV Prishtina (M) dhe KV Prishtina (F). Derisa futsalli do të përfaqësohet me klubit emblemë të kryeqyteti Fc Prishtina Futball.
