Këshilli Gjyqësor i Kosovës, në mbledhjen e mbajtur të martën ka certifikuar rezultatin zgjedhor për zgjedhjen e anëtarëve të Këshillit nga gjyqësori, raporton Ekonomia Online.
Anëtarja e KGJK-së Drita Rexhaj, tha se procesi zgjedhor është mbajtur sipas ligjeve dhe kandidati, gjyqtari Besnik Bislimaj, me 31 vota për nga procesi zgjedhor, është zgjedhur anëtar i KGJK-së nga radhët e gjyqtareve të Gjykatës së Shkallës së Dytë.
Ajo ka thënë po ashtu se në procesin zgjedhor të mbajtur në fund të janarit, me 183 vota për gjyqtaren Mirjeta Shala është zgjedhur anëtare e Këshillit Gjyqësor nga radhët e Gjykatave të Shkallës së parë.
Të dy kandidatët, me të gjitha votat për morën miratimin e anëtareve të KGJK-së .
“Pas zhvillimi të procesit të votimit mes dy kandidatëve gjyqtari Besnik Bislimaj, me 31 vota për zgjidhet anëtar i KGJK-së nga radhët e gjyqtareve të Gjykatës së shkallës së dytë. Ndërkaq me datë 31 janar 2025, komision ka mbajtur tubimin zgjedhor për zgjedhjen e kandidatit të nominuar për anëtar të Këshillit në Gjykatën e shkallës së parë. Pas zhvillimit të procesit të votimit mes tre kandidatëve… me shumicë votash me 183 vota për gjyqtarja Mirjeta Shala zgjidhet anëtare e Këshillit Gjyqësor nga radhët e Gjykatave të Gjykatave të Shkallës së parë”, ka thënë ajo.
