Familja po përballet me një shtypje të papranueshme nga kjo qeveri e cila përpiqet të kontrolloj çdo institucion të pavarur dhe ta bllokoj çdo lëvizje të lirë që përfaqëson vlera autoktone të këtij populli. Agjenda ligjore po vazhdon, por në fushatën zgjedhore po vazhdon me taktika të tjera, ata po përpiqen të na pamundësojnë të garojmë në mënyrë të barabartë në këto zgjedhje. Reklamat tona zgjedhore na u ndaluan të transmetohen në televizionin publik, ndërsa PZAP na vendosi gjobë të madhe financiare padrejtësisht, duke e aprovuar cdo ankesë që vjen nga dylberat.
Këto janë tentativa të qarta për të na heshtur zërin tonë.
Fillimisht ishin linçues e përjashtues, tashmë abuzojnë me pushtetin për të na pamundësuar garën, nëse këtë e bëjnë në fushatë zgjedhore, çfarë mund të bëjnë këta nesër në apetitet e çmendura për pushtet edhe më të madh.
Kjo është një përpjekje për të shuar kritikat tona ndaj çështjeve që i gjithë populli i sheh si të turpshme dhe të rrezikshme. Ky është një sulm ndaj demokracisë dhe ndaj të drejtës sonë për të përfaqësuar qytetarët.
Ne nuk do të ndalemi. Lufta jonë për drejtësi dhe familje vazhdon, shkruan Fatmir Smajli ne një postim në rrjetin e tij Facebook.
