Kandidati i LDK-së për kryeministër, Lumir Abdixhiku, pas homazheve te varri i Presidentit Historik dr. Ibrahim Rugova, ka vizituar edhe familjen e tij, raporton Ekonomia Online,
Ai gjatë vizitës është pritur nga gruaja e presidentit Fana Rugova dhe familjarë të tjerë.
Abdixhiku ka thënë se 19 vite pas vdekjes së Rugovës ende janë duke ndjekur rrugën dhe vizionin që ai ka pasur.
“Jemi krenar dhe jemi gjithë të vegjël përballë një figure kaq të madhe historike. Ta dini se keni një familje të madhe politike me ju që janë pasardhës politik të presidentit Rugova që ndjekin edhe pas 19 viteve pas vdekjes së tij rrugëtimin e njëjtë, një ëndërr të njëjtë, një vizion të njëjtë, një Kosovë e qytetarëve e popullit të Kosovës. Një Kosovë euroatlantike, një Kosovë ku familjet tona dhe rinia jonë bëjnë jetën këtu. Një Kosovë me aleat me miq, një Kosovë të pavarur e sovrane të anëtarësuar në NATO e BE, e me miqësi të përhershme më SHBA-në. Ky ka qenë misioni i presidentit Rugova dje, është mision i LDK sot, do të jetë misioni i çdo rugovisti nesër e përherë”, tha ai
E gruaja e presidentit historik, Fana falënderoj Abdigjikun që është duke ndjekur rrugën e presidentin Rugova si dhe e uroj për një fitore në zgjedhjet e 9 shkurtit.
“Kjo është shtëpia e tij, në realitet shtëpia juaj se kjo është e presidentin Rugova, këtë parti e ka themeluar, ju po e vazhdoni atë rrugë”, ka thënë ajo.
