Në emër të Partisë Demokratike të Kosovës, kryetari Memli Krasniqi ka uruar Donald Trumpin për rikthimin su president i Shteteve të Bashkuara të Amerikës.
“Rizgjedhja e Presidentit Trump është dëshmi e forcës së demokracisë amerikane”, ka shkruar Krasniqi, në një postim në Facebook.
“Në emër të PDK-së, i përcjell urimet më të përzemërta Presidentit Trump dhe popullit amerikan në një tjetër rrugëtim të përbashkët përpara. Rizgjedhja e Presidentit Trump është dëshmi e forcës së demokracisë amerikane”.
Sipas kreut të PDK-së, lidhja mes Kosovës dhe Shteteve të Bashkuara të Amerikës shkon gjithmonë përtej politikës. “Roli i SHBA-së në rrugëtimin e Kosovës drejt lirisë, shtetformimit dhe shtetndërtimit është dëshmi e një raporti të ndërtuar mbi vlera, besim dhe respekt të veçantë”.
“Ndërsa Kosova vazhdon përpjekjet që të ndërtojë një të ardhme më të mirë, ne ritheksojmë përkushtimin e plotë për forcimin e aleancës sonë më të rëndësishme, duke rifuqizuar raportet Kosovë – SHBA, përmes mundësive të reja për bashkëpunim, zhvillim, paqe e stabilitet në rajonin tonë”.
“Urime President Trump!”, përfundon postimi i kryetarit të PDK-së.
