BESO NË FJALËN E MIRË
Atë më të ëmblën
e shpirtit
më të ndriturën
se të harruan
nuk iu kujtohesh
më as në ëndërr
Beso edhe në heshtjen
e atyre që të duan
Dashuria më shumë
se fjalë
më shumë se dyshim
keqkuptim
për ata që i duam
dhe na duan
Bëhu ti më i miri
Zgjo ndërgjegjen njeri
sa herë që bie në gjum
Si e keqja dhe e mira
ka diku një fillim
Dashuria
i vetmi shpëtim
Duaj dhe fal
Me asgjë tjetër
nuk mund t’i falësh
më shumë dritë njerëzimit
Edhe në zhgënjimet
më të mëdha
mjafton ta kujtosh
Nënën Terezë
Për ta kuptuar secilin secilën
“Në vend se të mallkosh errësirën ndez një qiri”
Fjala më e ngrohta
më e ndritura
që mund t’i besosh
Dashuria
Qëndro larg gjithçka
që helmon
njerëzimin
Larg gjithçka
që mbjellë urrejtje
errësirë
frikë
E kush si fjala
e bënë këtë punë
më mirë
Ishte shpëtimi ynë
Edhe në kohët më të vështira
“T’U RRIT MENJA”
Thoshte gjyshim im
Është mallkim
Gabimisht kuptohet
Nuk rritesh por zvogëlohesh
Pa e kuptuar as vet
E thënë bukur e vërteta
Sa herë mbivlerësojmë veten
Dhe e ngrisim atje ku nuk mund ta mbërrijmë as vet
Humbim edhe atë që kemi
Të rritesh është më shumë
Se vetëm dëshirë
Lartësi do të thot
Të mbetesh me këmbë në tokë
Të lidhesh me rrënjët fortë..
GUXO TË MË QËNDROSH PRANË
Edhe kur të gjithë ikin
Për ndonjë interes
zgjedhin turmën
kur të gjithë do ta kuptojnë
se kisha të drejtë
me të vërtetën
të guxoja të jem unë
edhe me gjithë botën
kundër.
