Barcelona ka arritur një tjetër fitore në La Liga të mërkurën, duke mposhtur skuadrën e Getafe.
Ndeshja e vlefshme për Javën e shtatë të kampionatit e zhvilluar në “Estadio Olímpico Lluis Companys” është mbyllur me rezultat 1-0.
Mysafirët e kanë nisur ndeshjen mirë, duke krijuar disa raste të rrezikshme. Perez ka është treguar i rrezikshëm për katalanasit në dy raste, por fillimisht portieri Pena e më pas Balde kanë bllokuar përpjekjet e tij.
Megjithatë, pavarësisht fillimit të mirë të Getafe, Barcelona ishte e para që e ka gjetur rrugën e golit. Pas vetëm nëntëmbëdhjetë minutash lojë, Lamine Yamal ka asistuar Kounde në krahun e djathtë, dhe portieri mysafir nuk ia ka dalë të kontrollojë krosimin e tij, duke ia dhuruar Lewandowskit mundësinë për një përfundim të saktë.
Me këtë fitore, Barcelona forcon pozitën e saj në krye të La Liga me tetëmbëdhjetë pikë, shtatë më shumë se Real Madridi që gjendet në vendin e dytë.
