Barcelona ka arritur marrëveshje me portierin Wojciech Szczesny, sipas gazetarit të njohur Fabrizio Romano.
Në gusht të këtij viti ish-portieri i Arsenalit dhe Juventusit kishte shpallur pensionimin e tij nga futbolli profesionist.
Barcelona për disa muaj do të jetë pa portierin gjerman, Marc-Andre ter Stegen i cili tashmë i është nënshtruar operacionit, pas lëndimit në ndeshjen ndaj Villarrealit në La Liga të dielën, përballje që katalanasit e kanë fituar me rezultat 5-1.
Trajneri i Barcelonës, Hansi Flick, ka thënë se beson te aftësitë e Inaki Pena për ta zëvendësuar gjermanin e lënduar.
Por, sipas Romano, Szczesny dhe Barcelona janë pajtuar për një kontratë njëvjeçare dhe ekzaminimi mjekësor do të kryhet në ditët në vijim në Spanjë.
