Në ditët e sotme, ankthi dhe paniku janë shumë prezentë, mund të them iu ndodh të gjithëve dhe shpesh nuk e kuptojnë si fillon.
Por, trupi ynë jep shenja shumë më përpara se ne të kalojmë në fazën e ankthit apo panikut.
Cilat janë shenjat:
Mendime që qarkullojnë në mendjen tonë e nuk i ndalojmë. Irritohesh me lehtësi.
Ndihesh i pamotivuar për t’i bërë gjërat që në situatë normale i shijoje.
Ke problem me gjumin, të duhet kohë derisa të zë gjumi ose zgjohesh shpesh natën.
Nuk ke durim dhe shpesh i flet ashpër familjes dhe kolegëve në punë.
Ke problem me tretjen.
Shpeshherë ke dhembje në stomak ose ndjenjën që ke flutura në stomak. Fillon të qash papritur.
Ndihesh i shkëputur nga realiteti.
Ka ditë që ti nuk ndjen asgjë emocionalisht, apo nuk ndihesh i lidhur me asgjë që të rrethon, thjesht ndihesh bosh.
Pasiguri.
Sikur më e keqja do të ndodhë.
Rrahje më të shpeshta dhe të forta të zemrës. Ndjesi mbytjeje apo shtrëngim në fyt.
Frikë.
Çfarë duhet të bësh?
Duhet të ndërgjegjësohesh për shenjat e hershme. Tregohu i sinqertë me veten dhe mos e lëndo.
Mos u shqetëso se çfarë të thonë të tjerët sepse askush nuk të njeh ty, përveç vetes tënde.
Bëj hapa për të ndryshuar. Kontrollo veprimet e tua. Administro kohën.
Mësohu me faktin se nuk mund t’i ndryshosh të tjerët dhe përdore gjithë energjinë për veten tënde, dhe konsultohu nëse s’mund t’ia dalësh.
Mos u frikëso dhe mos ik
Jeta është e stërmbushur me vështirësi por ballafaqoji ato dhe mos ik. Kurse, çdo njeri nga ne ka dhimbjet e veçanta.
Askush nuk e di sasinë e mendimeve tua.
Askush nuk mund të gjykojë për thellësinë e dhimbjeve tua që të mundojnë. Dhe ti nuk mundesh askujt t’ia bartësh ndjenjat dhe të bashkëjetoni me to. Nganjëherë ndodh që as vetes nuk mund t’ia pranosh një gjë të tillë. Problemet që na mundojnë mund të të lidhin, të të ftohin ndjenjat, të të dehin dhe të të bëjnë të paaftë.
Mos u frikëso. Mos ik.
Ballafaqohu me situatën.
Vetëm ki besim se mund ta bësh një gjë të tillë.
Kur bën gabim, shëroje atë sa më shpejt që mundesh. Kur ndjen dhembje, shprehe ashtu siç e ndjen.
Kur ndodh një keqkuptim, diskutoje derisa ta qartësosh mendjen e të tjerëve.
Kur ndodh një problem, puno që ta zgjidhësh, koha më e mirë është tani, kurse personi i përshtatshëm je vetëm ti.
