Mesfushori i Arsenalit, Jorginho, ka deklaruar se ai dhe bashkëlojtarët e tij nuk janë të brengosur nga forma e sulmuesit të Manchester City, Erling Haaland, para përballjes mes dy skuadrave të dielën në Premier League.
Arsenali pritet ta sfidojë kampionin në fuqi, ndërsa Haaland ka shënuar nëntëdhjetë e nëntë gola në 103 paraqitje për City në të gjitha garat dhe në ndeshjen e së mërkurës në Champions League ai synon ta arrijë shifrën e 100 golave.
“Erling shënon përsëri… kjo ka filluar të na bëjë të qeshim”, ka thënë Jorginho. “Ne shikojmë të gjitha ndeshjet dhe e duam Premier League. Shikojmë edhe City, gjë që është normale. Por nuk na ndikon në mendje. Ne duhet të përqendrohemi te vetja jonë dhe kjo është ajo që po përpiqemi të bëjmë”.
Mesfushori italian gjithashtu ka theksuar se mentaliteti i Arsenalit është përmirësuar që nga sezoni i kaluar, duke përmendur fitoren e ngushtë 1-0 kundër Tottenham Hotspur, pavarësisht mungesave të lojtarëve kyç si kapiteni Martin Odegaard dhe Declan Rice.
