Intervistë me poeten: Drita Ademi Beqiri
Intervistoi për Gazetën Frymëzimi: Fatijona Bajraj
Drita Ademi- Beqiri, lindur në Prishtinë jeton dhe vepron në Zvicër me familje. Drita është autore e gjyshtë vëllimeve poetike, Placebo , botuar ne Londer 2011, Andrra e Gjethe, botuar nga TOENA në Tiranë ,2018, Vesë mbi Dhimbje, botuar në Prishtine, 2020,pranë Botimeve Konica. Licht mit Regen, Dritë me Shi, botuar nga Anthea Verlag Berlin me 2023. Me Kend Fola, botuar ne Prishtine Amagedon 2023. In lumina Dorului, ne gjuhen rumune 2023. Drita është pjesmarrëse në disa antologji gjermane dhe ka botuar poezi tek Frankfurter Biblothek, myStoryes, Deutsche Gedichte , Pro Lyrica etj… Së shpejti lexuesit do ta kenë në duar edhe romanin E HUMBURA, në gjuhën gjermane.
F.Bajraj: Na folni pak për fillet e karrierës suaj, kur keni filluar të merreni pikërisht me letërsi? Pse bash poezia?
D.Ademi Beqiri: Qysh në moshën 9-te vjeçare kam shkruar diçka, që mësuesit e gjuhës e kanë quajtur poezi. Kam lexuar shumë në rininë e hershme, pastaj kam punuar në mjekësi dhe nuk i kam kushtuar shumë kohë letërsisë. Para trembëdhjetë vitesh erdhi poezia prapë tek unë. Me një flakë në shpirt dhe e hutuar fillova të shkruaj. Deri tani kam gjashtë vëllime me poezi në gjuhë të ndryshme. Jam vlerësuar nga shumë Poetë e Poete. Kam pranuar dhe çmimin Azem Shkreli nga Lidhja e shkrimtareve, krijuesve dhe artisteve shqiptarë në diasporë në vitin 2024. Vazhdoj të shkruaj…
Them se poezia është dashuri që fle në shpirtin e në qenien time. E ndjej dhe e shkruaj.
F.Bajraj: A mendoni që e keni arritur kulmin e karrierës suaj?
D.Ademi Beqiri: Nuk besoj që kam arritur shumë, mjafton që në njëfarë mënyre ndihem e përmbushur nga të pathënat që kisha në shpirt. Të shkruash është edhe një lloj terapie, të çliron dhe të përmbush.
F.Bajraj: A kujtoni ndonjë kohë kur mendoni se keni dështuar në këtë fushë?
D.Ademi Beqiri: Jo nuk kam dështuar, poezia ime është e kohërave më te gjata.
F.Bajraj: Sa e keni pas të vështirë dhe sfiduese të jeni këtu ku jeni sot?
D.Ademi Beqiri: Nuk kam menduar asnjëherë se me poezi do të arrijë të jem këtu ku jam. E lumtur që kam mundur të shkruaj atë që të tjerët e quajnë POEZI.
F.Bajraj: Me çka merreni jashtë kësaj, keni ndonjë profesion tjetër?
D.Ademi Beqiri: Punoj në mjekësi. Një profesion human që me poezinë me përmbushin jetën.
F.Bajraj: A do të ju shohim mbase në një të ardhme të afërt në ndonjë fushë krejtësisht tjetër?
D.Ademi Beqiri: Nuk besoj që kam kohë të ndryshoj kahje. Ndihem e realizuar.
F.Bajraj: Çfarë komenti keni lidhur me gjendjen e letërsisë në përgjithësi në Kosovë?
D.Ademi Beqiri: Kam përshtypjen se femrat poete dominojnë më shumë se sa poetët. Kosova nuk ka shumë poetë apo shkrimtarë.
F.Bajraj: Planet e juaja që do t’i realizoni së shpejti?
D.Ademi Beqiri: Po punoj në roman dhe një vëllim me poezi në gjuhën angleze, pra në dy libra që do të botohen së shpejti.
F.Bajraj Si e shihni Kosovën pas 10 vitesh në fushën e letërsisë?
D.Ademi Beqiri: Nuk kam ide. Largësia nuk ma mundëson një njohe më të thellë të letërsisë në Kosovë.
