Këshilli për Mbrojtjen e të Drejtave dhe Lirive të Njeriut (KMDLNj) ka shprehur një kundërshtim të fortë ndaj emërtimit të “Komisionit Presidencial për të Vërtetën dhe Pajtim” dhe Strategjisë për Drejtësi Tranzicionale.
KMDLNj e ka kritikuar ashpër emërtimin e propozuar për Komisionin si të paragjykues dhe të papërshtatshëm, duke theksuar se ky emër është shpallur pa miratimin e Strategjisë për Drejtësi Tranzicionale nga Qeveria. KMDLNj argumenton se ky emër e dëmton pavarësinë e Komisionit duke e lidhur atë me ndikimin presidencial.
Sipas KMDLNj-së Zyra e Presidentes dhe Zyra e Kryeministrit kanë kontribuar pak në hartimin e Strategjisë Kombëtare të Drejtësisë Tranzicionale dhe madje kanë penguar procesin. Si dhe ka kërkuar që këto institucione të mbajnë përgjegjësi për angazhimin e tyre të pamjaftueshëm.
KMDLNj thekson se Komisioni për të Vërtetën dhe Pajtim ishte një nismë e Presidentit Thaçi, i cili ka mbështetur këtë iniciativë në mënyrë materiale dhe profesionale. Sipas tyre, Zyra e Presidentes ka tentuar të privatizojë këtë nismë dhe ta shfrytëzojë politikisht.
Tutje kërkon që emërtimi i Komisionit të anulohet dhe Strategjia për Drejtësi Tranzicionale të rishikohet në mënyrë që të bëhet e pranueshme për të gjitha palët dhe e zbatueshme në praktikë.
Njoftimi i plotë
“Në një komunikatë për media e ZP thuhet se: “Presidentja e Kosovës në linjë me Strategjinë për
Drejtësi Tranzicionale”, të miratuar nga Qeveria e Kosovës do ta themelojë Komisionin
Presidencial për të Vërtetën dhe Pajtim….. KMDLNj – që nga fillimi ka qenë pjesë shumë
kontributdhënëse në Grupin Punues për hartimin e Strategjisë Kombëtare të Drejtësisë
Tranzicionale ku kanë qenë edhe akterët tjerë institucionalë (Zyra e Presidentes, Zyra e
Kryeministrit, MD, ministritë tjera dhe përfaqësues të OJQ – ve që kanë përvojë në këtë fushë.
Realisht, kontribut real dhe konkret kanë dhënë përfaqësues të sektorit civil dhe një grup i
ngushtë në krye me drejtuesin e GP- es ndërsa kontributi i Zyres së Presidentes dhe ZKM ka
qenë kontribut zero, madje më shumë pengues. Në takimin e fundit KMDLNj ka kundërshtuar
fuqishëm emërtimin “Komisioni Presidencial për të Vërtetën dhe Pajtim” për faktin se ishte
paragjykues se kush e themelon këtë Komision. Ishte jonormale që të emërtohet ky komision
ende pa u votuar Strategjia për Drejtësi Tranzicionale në Qeveri, pastaj nuk ka vend në botë që
ka emërtim të Komisionit me këtë emër. Së fundi, Zyra e Presidentes është dashur të penalizohet
për angazhim zero në hartimin e Strategjisë Kombëtare të Drejtësisë Tranzicionale e lëre më të
lejohet që brutalisht ta keqpërdorë pushtetin duke e privatizuar emërtimin e Komisionit. Në këtë
takim vetëm KMDLN j- ë dhe INTEGRA e kanë kundërshtuar këtë emërtim në ndërkohë që nga
pozita e arrogancës së pushtetit është mbrojtur nga një injorante e fushës duke e hedhur këtë
kundërshtim në fushë politike përkatësisht në luftë speciale kundër presidentes. KMDLNj – ë
kishte vërejtje edhe në përmbajtjen e Strategjisë por se nuk u pranyan dike mbizotëruar interesi
dhe fuqia politike. Po këto vërejtje, kohëve të fundit i bënë publike edhe disa ambasadorë të
shteteve që e përkrahën punën e Grupit Punues që nga themelimi. Interesi dhe pozicioni politik e
ka dëmtuar përmbajtjen e Strategjisë Kombëtare të Drejtësisë Tranzicionale dhe, sipas KMDLNjsë, me këtë formë dhe me këtë përmbajtje e bën të pazbatueshme
Komisioni për të Vërtetën dhe Pajtim ka qenë nismë e Presidentit Thaçi i cili me asgjë nuk e ka
penguar punën e GP, përkundrazi e ka mbështetur materialisht, profesionalisht dhe në planin
logjistik. Kjo ka qenë arsyeja pse ZP, në përpjekje ta mohojë nismën e Presidentit Thaçi, e ka
privatizuar në mënyrë të paskrupullt Komisionin, ende pa u themeluar duke ia dhënë pronësinë
presidentes aktuale që me asgjë nuk e ka merituar duke bërë përpjekje ta materializojë
politikisht. Komisioni për të Vërtetën dhe Pajtim është i pavarur, jashtë çdo ombrelle politike dhe
partiake prandaj një Komision Presidencial….apriori paragjykon pavarësinë duke e futur nën
ombrellën presidenciale. Për Presidentet është me rëndësi që ajo të jetë themeluese ndërsa për
punën e këtij as që i bëhet vonë. Edhe Qeveria e Kosovës nuk do të ketë asnjë dobi nga Strategjia
për Drejtësi Tranzicionale sepse është e pazbatueshme dhe jogjithëpërfshirëse. Komisioni i
emërtuar sipas presidentes duhet të anulohet kurse Strategjia për Drejtësi Tranzicionale duhet të
rishikohet në mënyrë që të bëhet e pranueshme për të gjitha palët dhe e zbatueshme”.
