Kryeministri i Kosovës, Albin Kurti, priti në takim lamtumirës komandantin e misionit të NATO-s në Kosovë – KFOR, gjeneralmajor Özkan Ulutaş, raporton Ekonomia Online.
Duke e vlerësuar si konstruktiv komunikimin me gjeneralmajor Ulutaş, kryeministri Kurti tha se ai largohet nga vendi ynë si mik, me të cilin do të ruajmë kujtime të mira.
“Ndërsa e falënderoi për bashkëpunimin dhe bashkërendimin”, ka njoftuar Zyra për Media e Qeverisë.
Sipas njoftimit, në takim u bisedua për rrugën drejt anëtarësimit në NATO, por edhe për zhvillimet aktuale politike, situatën e sigurisë në vend dhe rajon, ngritjen e kapaciteteve të Forcës së Sigurisë dhe të Policisë së Kosovës, ndërveprimin e mirë të institucioneve të Republikës dhe KFOR-it, si dhe mundësitë konkrete të zgjerimit dhe thellimit të tij.
