Ka nisur me vonesë seanca plenare e Kuvendit të Kosovës, e cila ishte paraparë të fillojë nga ora 11:00.
Në këtë seancë, deputetët do të shqyrtojnë disa pika, përfshirë miratimin e procesverbaleve nga seancat e mëparshme, betimin e deputetëve dhe miratimin e Deklaratës lidhur me Aktgjykimin e Dhomave të Specializuara të Kosovës, të datës 16 shtator.
Në rend dite është edhe zgjedhja e nënkryetarit të Kuvendit të Republikës së Kosovës nga Grupi Parlamentar i Partisë Demokratike të Kosovës.
Po ashtu, deputetët pritet të shqyrtojnë formimin e komisioneve parlamentare.
