Kryetari i Prishtinës, Përparim Rama ka reaguar lidhur me zhvillimet e fundit në komunë.Rama përmes një shkrimi të gjatë në profilin e tij në rrjetin social Facebook, ka folur për ndërtimin e koalicioneve në këtë komunë.Ai është shprehur kundër çdo retorike përçarëse.“Jam kundër çdo retorike përçarëse. Ne jemi një POPULL. Një SHTET. Prandaj, duhet vizion i përbashkët, stabilitet dhe veprime të përgjegjshëm institucionale nga secili prej nesh.Duke vendosur qytetarin në qendër dhe duke qenë të vetëdijshëm se pushteti është shërbim, e jo instrument bllokimi, kemi finalizuar bashkëqeverisjen në Kryeqytet me Aleancën për Ardhmërinë e Kosovës (AAK), Nismën Socialdemokrate, Lidhjen për Prishtinën dhe së fundmi me Partinë Demokratike të Kosovës(PDK)”, ka shkruar Rama.I pari i komunës ka folur edhe për emërimin e drejtorëve komunal, përfshirë edhe ata të LDK-së.Rama ka bërë të ditur se edhe në këto zgjedhje, siç ka bërë në të kaluarën do ta mbështes LDK-në pa asnjë kusht.“Ashtu siç e kam përkrahur pakusht Lidhjen Demokratike të Kosovës (LDK) në zgjedhjet e kaluara, do ta përkrah edhe në këto zgjedhje, me bindjen se demokracia, stabiliteti institucional dhe kultura shtetformuese duhet të mbrohen dhe të forcohen vazhdimisht. Përgjegjësi, rend, zhvillim dhe shërbim ndaj qytetarit, pa retorikë përçarëse por me vizion të qartë për të ardhmen, kjo është filozofia e së djathtës”, ka thënë Rama.
Rama: Ashtu siç e kam përkrahur pakusht LDK-në në zgjedhjet e kaluara, do ta përkrah edhe në këto zgjedhje
