Presidentja e vendit, Vjosa Osmani ka pritur në një takim lamtumirës ambasadorin e BE-së, në Kosovë, Aivo Orav.
Në një postim në rrjetin social Facebook, Zyra e Bashkimit Evropian në Kosovë ka njoftuar se Orav ka falënderuar presidenten Osmani për bashkëpunim.
Ai, ka thënë se BE-ja mbetet partneri më i fortë dhe më i besueshëm i Kosovës.
“Në një takim lamtumirës sot, Aivo Orav falënderoi Presidenten e Kosovës Vjosa Osmani për bashkëpunimin gjatë mandatit të tij si Ambasador i BE-së në Kosovë, duke theksuar se BE-ja mbetet partneri më i fortë dhe më i besueshëm i Kosovës ndërsa vendi avancon drejt BE-së”, thuhet në njoftim.
Aivo Orav e ka marrë detyrën e ambasadorit të ri të Zyrës së Bashkimit Evropian në Kosovë më 2 shtator të vitit 2024, duke e pasuar çekun Tomas Szunyog, i cili e mbajti këtë postë nga viti 2020.
