N’seher vakt shpërndahet rrisku thanë, hafëz
E n’kader tem rrisk m’ra malli
M’u ngarkue n’shpirt ashku e pritja
E lanun n’prag n’sifat hamalli
Bashkë me lindjen e diellit, hafëz
Çdo ditë ripërtërihet edhe malli jem
Jo që netëve praninë nuk ia ndi
Po nuri i hanës shpesh n’hije ma len’
Përballë hanës t’pa ta, hafëz
Mbes e ngrieme dhe pa takat
Tuj i ba rixha me sa za kam
Me na i bashku çeshmit nji nate
S’muj as udhe me marr, hafëz
As sipër kalldrëmeve hap me qitë
Kur e di qe as sante n’kit natë t’merdhieme
Temit jar s’muj me ia pa sytë
Kit mallëngjim që m’asht ngarku, hafëz
Si hamall kam me e bajtë n’dynja
Edhe kur t’jem dërmu prej pritjes
E betueme shikajet mos me ba
Fatijona Bajraj-Hamall Malli
