Deputetja e VV-së, Mimoza Kusari-Lila, ka thënë se nuk pret shumë as nga seanca e 43-të konstituive, raporton EO.
Sipas saj, deputetët po e shkelin Kushtetutën me mosvotim, ndërsa ka bërë thirrje që nësë ata nuk pajtohen me votimin e fshehtë, ta rrqzojnë komisionin për këtë votim.
“Krejt çka pritet prej nesh si deputetë është votimi. Votimi është obligim kushtetues, jo zgjedhje.
Gjykata nuk ka evidentuar ndonjë shkelje, ajo ka sqaruar procedurën për konstituimin e Kuvendit dhe ka theksuar se asnjë formë e votimit nuk është e përjashtuar. Nëse përfaqësuesit e partive opozitare nuk pajtohen me votimin e fshehtë, le ta rrëzojnë komisionin.
Le të vijë Gjykata me udhëzime apo sqarime shtesë, ose partitë politike të dakordohen që Kuvendi të mblidhet dhe të shpërndahet, për të shkuar në zgjedhje.”
