Intervistë me poeten: Arze Hasanaj
Intervistoi: Fatijona Bajraj
Biografia e të intervistuarës
Arze Hasanaj lindur më 22.8.1988 në qytetin e Kukësit të Shqipërisë në komunën Bicaj më saktësisht. Shkollën fillore e ka mbaruar në Bicaj në shkollën “Vehbi Shehu” ndërsa shkollën e mesme po në Bicaj në shkollën “Bajram Abdiu ” që të dyja këto shkolla me një staf dhe profesionalizëm me mësues të kualifikuar. Shkolla e mesme ka qenë e ndarë në dy drejtime shoqëror dhe natyror duke qenë se ka qenë e pirur ndaj letërsisë ka studiuar drejtimin shoqëror që përfshinte: gjuhë letërsi dhe histori-gjeografi, sociologji etj.
F.Bajraj: Na flisni pak për fillet e karrierës suaj, kur keni filluar të merreni pikërisht me letërsi? Pse bash poezia?
A.Hasanaj: Që e vogël brenda vetes e kisha një talent për letërsinë. Kur isha në shkollën fillore merresha me shkrimin e eseve dhe poezive, këtë falë mësuesve të gjuhës dhe letërsisë që bënin konkurse mes klasave dhe ndërmjet shkollave të ndryshme ku çdo herë merrja pjesë. Bash poezia sepse poezia është art i fjalës me anë të të cilës ne mund të shprehim ndjenjat emocionet dhe gjendjen shpirtërore, shpesh herë me anë të poezisë shprehim në vargje brendësin tonë.
F.Bajraj: A mendoni që e keni arritur kulmin e karrierës suaj?
A.Hasanaj: Sa e përket kulmit të karrierës unë sapo kam nisur një hap të parë drejt karrierës time sepse asnjëherë arritjet nuk mjaftojnë sidomos në artin e të shkruarit ka gjithmonë diçka për të shtuar .Këtë e kam vërejtur kur ndonjëherë jam ndjerë e lodhur nga shkrimet por përsëri nuk jam dorëzuar kam nisur përsëri të shkruaj.
F.Bajraj: A kujtoni ndonjë kohë kur mendoni se keni dështuar në këtë fushë?
A.Hasanaj: Po, kam pasur një kohë para dy ose tri viteve nisa të merresha më seriozisht me poezinë me anë të rrjeteve sociale. Kur merrja ndonjë kritikë të pa vend nga persona që nuk kishin të bëjnë fare me letërsinë ose vetë poezinë si zhanër. Por me kalimin e kohës u mësova me paragjykimet dhe vendosa të bëj atë që unë e ndjeja se duhet të bëja pra vendosa të shkruaj poezi. Sepse asnjëherë gjërat që ne bëjmë nuk mund t’u pëlqejnë të gjithëve
F.Bajraj: Sa e keni pas të vështirë dhe sfiduese të jeni këtu ku jeni sot?
A.Hasanaj: Secili rrugëtim i jetës ka sfidat dhe vështirësitë e veta, sa i përket artit të shkruarit sot po përhapet shpejtë me anë të rrjeteve sociale dhe numri i personave që po shkruajnë është i madh. Por cilësia dhe mënyra e të shkruarit nuk është në nivelin e duhur. Shpesh herë lexoj poezi apo shkrime të ndryshme të cilat personi i cili shkruan mund ti quaj art apo poezi dhe mund të vlerësohet nga persona jo të fushës ,por është për të ardhur keq se për mua nuk kanë vlerë vlerësimet fare.
F.Bajraj: Me çka merreni jashtë kësaj, keni ndonjë profesion tjetër?
A.Hasanaj: Për momentin nuk kam ndonjë profesion tjetër përveç që merrem me letërsi. Por, në të ardhmen mendoj që mund të kem një profesion të dytë .Sepse në kohën në të cilën po jetojmë kemi më shumë mundësi edhe me përpjekje kuptohet mund të arrijmë aty ku dëshirojmë.
F.Bajraj: A do të ju shohim mbase në një të ardhme të afërt në ndonjë fushë krejtësisht tjetër?
A.Hasanaj: Po, mund të kem edhe një profesion tjetër por nuk do të thotë që do të lë anash shkrimet dhe poezitë e mia .Përderisa unë jam në hapat e parë me poezinë, dua të ecin paralelisht të dyja profesionet e mia sepse nuk dua që të ngeli pas me poezinë dua ti kushtoj kohë dhe vëmendje që të arrij të botoj edhe libra.
F.Bajraj: Çfarë komenti keni lidhur me gjendjen e letërsisë në përgjithësi në Kosovë?
A.Hasanaj: Të themi të drejtën letërsia nuk është në nivelin e duhur për momentin në Kosovë dhe nuk vlerësohet aq sa duhet. Shpesh herë unë dëgjoj fëmijë që në vend të fjalëve shqipe përdorin fjalë të gjuhëve të huaja pa nevojë fare. Unë e di që kur di një gjuhë të huaj është pasuri për një fëmijë por, unë ju jap shembuj fëmijëve të mi duke ju thënë: që një fëmijë i një shteti tjetër kurrë nuk do t’a zëvendësoj fjalën e gjuhës së tij me një fjalë të gjuhës tuaj ju përse e bëni këtë, gjuha jonë është e bukur dhe me vlerë.
F.Bajraj: Planet e juaja që do t’i realizoni së shpejti?
A.Hasanaj: Do vazhdoj të shkruaj poezi, plani im i parë poezitë e mia ti botoj në një libër. Por, e di që nuk mjaftohem përderisa poezia ka zënë vend brenda meje dhe shpreh me anë të saj brendësin e shpirtit. Por kam edhe një breng që librat të cilët botohen se di sa do të kenë lexues sepse në këtë kohë ku teknologjia po zë një vend të rëndësishëm në jetë librat nuk po lexohen dhe kanë ngelur anash dhe të pluhurosur nëpër rafte.
F.Bajraj: Si e shihni Kosovën pas 10 vitesh në fushën e letërsisë?
A.Hasanaj: Duke parë gjendjen e sotme në të cilën ndodhet letërsia nuk është edhe aq e mirë. Por, ka shpresë dhe unë shpresoj me kalimin e viteve brezat e ri të poetëve dhe shkrimtarëve do ta kuptojnë rendësin e letërsisë së mirëfillte shqiptare. Siç e thamë edhe më herët teknologjia po merr zhvillim dhe nga ky zhvillim ne duhet të marrim të mirat e saj që letërsia të eci përpara dhe jo të humbi vlerën e saj.
