Intervistë me këngëtarin e ri: Lindon Thaçi
Intervistoi: Fatijona Bajraj
F.Bajraj: Na flisni pak për fillet e karrierës suaj, kur keni filluar të merreni pikërisht me muzikë? Pse bash muzika?
L.Thaçi: Unë kam filluar zyrtarisht të merrem me muzikë rreth 4 vite më parë. Mirëpo talentin e këndimit e kam të zbuluar qysh nga fëmijëria e hershme.
F.Bajraj: A mendoni që e keni arritur kulmin e karrierës suaj?
L.Thaçi: Unë mund të them lirisht që sapo kam filluar të ecë me hapa më të mëdhenj drejt një karriere të suksesshme.
F.Bajraj: A kujtoni ndonjë kohë kur mendoni se keni dështuar në këtë fushë?
L.Thaçi: Dështimi ende nuk është bërë pjesë e imja dhe shpresoj të mos jetë kurrë. Punoj me zell që të kem një karrierë të suksesshme.
F.Bajraj: Sa e keni pas të vështirë dhe sfiduese të jeni këtu ku jeni sot?
L.Thaçi: Vështirësitë janë të pa ndashme në çdo sferë të jetës jo vetëm në muzikë, mirëpo si i ri me vullnetin për të arritur diku i kam pasur vështirësitë dhe shqetësimet e mia se nga t’ia filloj dhe si do t’ia dal të zhvilloj karrierën time dhe dita ditës po arrij t’i tejkaloj.
F.Bajraj: Me çka merreni jashtë kësaj, keni ndonjë profesion tjetër?
L.Thaçi: Kryesisht fokusin e kam te muzika dhe dua që të thellohem më shumë vetëm në këtë fushë.
F.Bajraj: A do të ju shohim mbase në një të ardhme të afërt në ndonjë fushë krejtësisht tjetër?
L.Thaçi: Mbase jetës nuk i dihet.
F.Bajraj: Çfarë komenti keni lidhur me gjendjen e muzikës në përgjithësi në Kosovë?
L.Thaçi: Kosova ka në përgjithësi talent të rinj që po nderojnë karriera të suksesshme. Nder vite shpresoj që do të vazhdojnë të dalin talent të ri që do e pasurojnë vendin tonë në aspektin e muzikës.
F.Bajraj: Planet e juaja që do t’i realizoni së shpejti?
L.Thaçi: Unë kam disa plane të reja që po planifikoj t’i realizoj mirëpo momentalisht do i lë surprizë nuk dua t’i bëjë publike. Do të vijnë shumë këngë të reja e kështu me radhë.
