Presidentja Vjosa Osmani vlerësoi lart Forcën e Sigurisë së Kosovës për profesionalizimin e saj dhe me atë që kanë dëshmuar përgjatë këtyre viteve.
Këtë deklaratë e bëri në Poligonin e stërvitjes në Babaj të Bokës, në kuadër të ushtrimit ndërkombëtar shumëkombësh “Defender Europe 25”, raporton Ekonomia Online.
“Në radhë të parë më forcat e SHBA-së, aleatin tonë më të rëndësishëm dhe strategjik në fushën e mbrotjes dhe çdo fushë tjetër. Ju sot e patë një ushtrim të shkurtër, mirëpo përgatitje për atë që e patë ju sot edhe ushtrimet që janë bërë nga 26 maji e tutje janë bërë për më shumë se dy vjet. Prandaj dua t’i falënderoj Forcën e Sigurisë së Kosovës, çdo pjesëtar që ka marrë pjesë për profesionalizimin e tyre, për sakrificën e tyre dhe mbi të gjitha se e kanë bërë krenar një shtet të tërë, Kosovën me atë që kanë dëshmuar përgjatë këtyre viteve. Edhe në “Defender 25”, Kosova e ka dëshmuar se është aleat besnik, aleat i përgatitur në përputhje me forcat e NATO-s dhe aleat që është i gatshëm të ndërveprojëme forcat më profesionale. Forcat tona kanë dëshmuar që jemi të gatshëm jo vetëm të kontribuojmë në operacione te tilla, por të jemi shtet i barabartë shtet anetar i NATO”, tha presidentja Vjosa Osmani.
