Punëtorët e ndërmarrjes “Pastrimi” kanë hyrë në ditën e 11 të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes, raporton Ekonomia Online.
Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.
Punëtorët janë në pritje të një takimi vendimtar me zyrtarët komunalë, ndërsa kërkesat kryesore janë sigurimi i naftës, pagave dhe stabilizimi i kompanisë.
Shqetësuese për ta është edhe pagat e ulëta, duke theksuar se paga mujore prej 425 euro është e pamjaftueshme për të përballuar jetesën.
