Presidentja e Kosovës, Vjosa Osmani, ka marrë pjesë në Samitin e gjashtë të Komunitetit Politik Evropian (EPC) që po mbahet në Tiranë. Ajo e cilësoi këtë pjesëmarrje si dëshmi të rolit të rëndësishëm që ka Kosova në skenën politike evropiane.
“Zëri i Kosovës është i pranishëm, i domosdoshëm dhe kontribuues në platformat ku vendoset për të ardhmen e kontinentit tonë,” tha Osmani.
Ajo theksoi se Kosova është pjesë aktive në diskutimet për sigurinë, paqen dhe zhvillimin e rajonit dhe Evropës. Presidentja ka ndarë edhe fotografi nga takimi me liderë të tjerë evropianë.
