U mbyll kompania paralele e ujësjellësit “Ibar” në Mitrovicë të Veriut.
Ministrja në detyrë e Ekonomisë, Artane Rizvanolli bëri të ditur se mbyllja e kësaj kompanie u bë me kërkesë të Njësisë për monitorimin e ndërmarrjeve publike të kësaj ministrie.
“Ky është një hap konkret që i shërben sundimit të ligjit dhe funksionalizimit të shërbimeve publike nga institucionet e shtetit tone.
Në përputhje me marrëveshjen e nënshkruar në janar të këtij viti mes KRU Mitrovicës dhe Komunës së Mitrovicës së Veriut, shërbimet e rregullta e më cilësore për qytetarët e Komunës së Mitrovicës së Veriut do të ofrohen nga KRU Mitrovica, me standarde më të larta dhe në përputhje të plotë me ligjet tona”, shkroi në fb ministeja në detyrë Rizvanolli.
