Komandanti i Forcës së Sigurisë së Kosovës, Gjenerallejtënant Bashkim Jashari, po qëndron për vizitë zyrtare në Turqi, me ftesë të Shefit të Shtabit të Përgjithshëm të Forcave të Armatosura të Turqisë, Gjeneral Metin Gürak.
Gjatë takimeve me autoritetet ushtarake dhe Ministrin e Mbrojtjes Kombëtare, Yaşar Güler, u diskutua për zgjerimin e bashkëpunimit ushtarak, përfshirë trajnime, stërvitje të përbashkëta dhe zhvillimin e industrisë së mbrojtjes. Gjenerallejtënant Jashari vizitoi edhe njësitë speciale dhe kadetët kosovarë që studiojnë në akademitë ushtarake turke.
