Ish-sulmuesi i Premier League, Gabby Agbonlahor, e ka quajtur Ruud van Nistelrooy si “dështimin e sezonit”.
Ai diskutoi formën e Leicester-it nën drejtimin e Van Nistelrooy me Jeff Stelling në talkSPORT Breakfast këtë mëngjes.
“Ai e ka humbur dhomën e zhveshjes,” tha Agbonlahor. “Kjo ndoshta ka ndodhur disa muaj më parë”.
“Harry Winks nuk është i përfshirë sepse nuk ka pranuar të qëndrojë në Leicester gjatë natës, dhe këto janë gjëra të vogla që duhej të ishin rregulluar që në fillim kur ai erdhi në klub”.
“Nëse shikon periudhën e Van Nistelrooy… 18 ndeshje, dy fitore, një barazim, 15 humbje”, vazhdoi ai. .
“Mund ta quaj pa dyshim si dështimin e sezonit. Kaq keq ka bërë”.
“E di që nuk ka pasur shumë para për të shpenzuar, por kur mori punën, ndjeva një entuziazëm… kishte bërë mirë te PSV, te Man United asgjë e veçantë, por mund t’u jepte një shtysë. Por në fakt, ai e ka përkeqësuar skuadrën”, tha në fund ish sulmuesi i Aston Villës.
