Bayern Munich do të duhet të luajë pa Alphonso Davies në fazën vendimtare të sezonit.
Mbrojtësi i majtë ka pësuar një këputje të ligamentit gjatë një ndeshje me Kombëtaren e Kanadasë dhe pritet të mungojë të paktën gjashtë muaj. Davies ishte rrëzuar në fillim të ndeshjes për vendin e tretë në Ligën e Kombeve të CONCACAF kundër SHBA-së, duke mbajtur gjurin e djathtë. Ai ishte zëvendësuar në minutën e dymbëdhjetë dhe ishte kthyer në pankinë me një pako akulli mbi gju.
Davies do t’i nënshtrohet një operacioni të mërkurën, sipas klubit gjerman.
“Për fat të keq, gjatë ndeshjeve të kombëtareve ekziston gjithmonë rreziku që lojtarët të kthehen të lënduar, këtë herë kemi pësuar një goditje të rëndë”, ka thënë Drejtori sportiv i Bayern, Max Eberl.
