Këshilli i Mediave të Shkruara të Kosovës (KMShK) ka shqyrtuar 12 ankesa në mbledhjen e tij të rregullt, duke miratuar tri prej tyre, gjashtë pjesërisht, refuzuar një dhe shpallur dy të patrajtueshme.
Ankesat kryesisht lidhen me pretendimet për shkelje të Kodit të Mediave të Shkruara të Kosovës, veçanërisht Kapitullit II – Raportimi i së vërtetës dhe Kapitullit IV – E drejta për t’u përgjigjur.
Në mesin e ankesave të miratuara është ajo e A.L. Dushi ShPK kundër Gazetaexpress.com, ku KMShK konstatoi shkelje të së drejtës për t’u përgjigjur. Po ashtu, u miratua ankesa e Samedin Abazit kundër Paparaci.com për shkelje të kapitujve mbi raportimin e së vërtetës dhe të drejtës për përgjigje. Një tjetër ankesë e miratuar ishte ajo e Shkelzen Deçanit kundër Sinjali.com, ku u konstatua shkelje e Kapitullit II.
