Intervistë me autorin e ri: Fatjon Gashi
Intervistoi për Gazetën Frymëzimi: Fatijona Bajraj
F.Bajraj: Na folni pak për fillet e karrierës suaj, kur keni filluar të merreni pikërisht me letërsi? Pse bash poezia?
F.Gashi: Qysh n’fillim t’karrierës gjithçka ka nis si një ndjenjë e brendshme që duhesha me e shpreh. Letërsia ka qenë mënyra jem me pa botën ndryshe, me i dhanë zë ndjenjave që ndoshta s’kishin me u dëgju ndryshe. Poezia ka ardhë natyrshëm, si një formë që më ka lënë me shpreh ma thellë çka kam ndje. Ndoshta pse poezia s’ka rregulla të ngurta, ndoshta pse është një rrugë e hapur për me e qit shpirtin n’letër.
F.Bajraj: A mendoni që e keni arritur kulmin e karrierës suaj?
F.Gashi: Për kulmin e karrierës s’di a ka një kulm të saktë. Gjithmonë ka vend për rritje, për më shumë, për me eksploru ma shumë si artist. Edhe nëse dikush të thotë që ke arritë kulmin, duhet me e pa si një fillim të ri.
F.Bajraj: A kujtoni ndonjë kohë kur mendoni se keni dështuar në këtë fushë?
F.Gashi: Dështimet?! Po, ka pas momente kur kam mëndu që s’po shkon qysh duhet, kur kam dashtë me hekë dorë ndoshta. Por çdo dështim e ka pas një arsye, një mësim. Ato momente t‘vështira më kanë bo me kuptu pse po e du këtë rrugë edhe më kanë bo më i vendosun.
F.Bajraj: Sa e keni pas të vështirë dhe sfiduese të jeni këtu ku jeni sot?
F.Gashi: Sfidat kanë qenë të mëdha. Me u njohë, me kriju diçka që vërtetë prek njerëzit s’është e lehtë. E sidomos n’fillim kur s’ke përkrahje t’madhe ose kur njerëzit s’ta njohin punën. Po çdo hap ka vlejtë çdo pengesë veç më ka bo më t’fortë.
F.Bajraj: Me çka merreni jashtë kësaj, keni ndonjë profesion tjetër?
F.Gashi: Jashtë letërsisë më pëlqen arti në përgjithësi. Merrem me projekte kreative e tash kam projektin për 1432 fëmijë martirë të Kosovës ku do të zbulohet në Prekaz me 5 Mars ndonjëherë edhe me diçka që s’ka lidhje direkt me poezinë, por prapë ka një mesazh brenda. Ndoshta në të ardhmen do ta shihni një anë tjetër timen, ndoshta në ndonjë fushë tjetër që s’e prisni.
F.Bajraj: Çfarë komenti keni lidhur me gjendjen e letërsisë në përgjithësi në Kosovë?
F.Gashi: Letërsia në Kosovë? Ka shumë potencial, ka shumë zëra të rinj që po dalin, por sfida mbetet që letërsia të vlerësohet ashtu siç e meriton. Mungesa e përkrahjes e bën të vështirë, por prapë, kush ka pasion, e gjen një rrugë.
F.Bajraj: Planet e juaja që do t’i realizoni së shpejti?
F.Gashi: Planet e afërta? Kam projekte që po punoj për art , disa ndoshta jashtë saj. Po du që çdo hap i ardhshëm të ketë një domethënie, jo veç me bo diçka për ta bë.
F.Bajraj: Si e shihni Kosovën pas 10 vitesh në fushën e letërsisë?
F.Gashi: Kosova pas 10 vitesh në letërsi? Besoj që do të ketë një rritje, sidomos nëse të rinjtë marrin guximin me kriju e me sfidu veten. Ka potencial, ka histori për t’u tregu veç duhet pak më shumë hapësirë për me u dëgju.
