Kryeshefi i Ngrohtores “Termokos”, Fisnik Osmani, ka bërë të ditur se gjatë ditës ka takuar përfaqësuesit e KMDLNJ për çështje të rëndësishme që prekin qytetarët e Prishtinës.
Në këtë takim, i pranishëm ka qenë edhe Shërbimeve Publike, Bekim Brestovci, teksa janë folur edhe tema si; tarifat e ngrohjes, përdorimi i matësve për një faturim më të drejtë si dhe rëndësia e kursimit të energjisë për të ulur shpenzimet.
“Sot në Komunën e Prishtinës, zhvilluam takim të rëndësishëm me përfaqësuesit e KMDLNJ. Së bashku me Drejtorin e Shërbimeve Publike, Bekim Brestovci, Këshilltarin e Kryetarit Bajram Gecaj dhe Zyrtaren e Mirëqenies Sociale, Munavere Çerkezi, diskutuam për çështje të rëndësishme që prekin qytetarët e Prishtinës”.
“Në fokus të bisedës ishin projektet të cilat po i zhvillon Ngrohtorja e Qytetit, përfshirë projektin e matjes Prishtina Heat Save, ku sqaruam shume tema si; tarifat e ngrohjes, përdorimi i matësve për një faturim më të drejtë si dhe rëndësia e kursimit të energjisë për të ulur shpenzimet. Termokos mbetet gjithmonë pranë qytetarëve për çdo nevojë dhe bashkëpunim, me qëllim krijimin e një ambienti të ngrohtë”, ka shkruar Osmani.
