Malisheva i është rikthyer fitores në Superligën e futbollit.
Skuadra e Bekim Isufit e mposhti Ferizajn sot në ndeshjen e fundit të xhiros së 20-të të ligës elitare.
Vendësit fituan me rezultat 3:2 duke i dhënë fund serisë prej katër ndeshjesh pa fitore.
Golat për mikpritësit i shënuan Dreni Kryeziu, Laurent Xhylani dhe Drilon Hazrollaj.
Falë kësaj fitoreje, Malisheva e përforcoi pozitën e tretë në tabelë me 33 pikë, tri më pak se Ballkani, i cili është i dyti.
Ndërkohë, Ferizaj e lëshoi mundësinë që të ngritet në tabelë, ndërsa e sheh veten në një pozitë të rrezikshme, atë të tetë me 23 pikë.
