Portieri Marijan Coric është përforcimi më i ri i Llapit.
Njoftimi është bërë të premtën nga klubi i Superligës.
“Ky transferim i rëndësishëm sjell një përforcim të madh në portën e skuadrës sonë, ndërsa Coric do të jetë një shtyllë e fortë në mbrojtjen e ngjyrave bardh e kaltër”, ka vlerësuar klubi nga Podujeva.
Vetë portieri ka theksuar se mezi pret ta shpërblejë besimin e drejtuesve të klubit.
“Jam shumë i lumtur që rikthehem sërish këtu. Kam kujtime të shkëlqyera nga periudha ime e mëparshme dhe mezi pres të shpërblej besimin e drejtuesve të klubit. Do të jap maksimumin për të ndihmuar ekipin në arritjen e objektivave tona dhe për t’i gëzuar tifozët ‘Legjendat’ me fitore të reja, sepse ata me të vërtetë e meritojnë”, ka thënë ai.
