Solomon i bashkohet Vushtrrisë
Uran Krasniqi / RTKLive
Vushtrria ka përforcuar repartin ofensiv, duke transferuar nga Dukagjini i Klinës sulmuesin Theophilus Solomon.
Ka qenë vetë klubi i Vushtrrisë që ka njoftuar për afrimin.
“Solomon na bashkohet nga KF Dukagjini, ku luan në pozitën e qendër-sulmuesit. Me fizikun dhe përvojën e tij, besojmë se do të japë një kontribut të madh në fazën e sulmit”, ka njoftuar klubi.
Futbollisti nigerian nuk është i panjohur për futbollin kosovar, pasi ka qenë pjesë e klubeve të njohura si Ballkani dhe Gjilani. Solomon ka luajtur gjithashtu për Partizanin në Shqipëri dhe ekipe të tjera evropiane si Rijeka, Ujpest dhe Omonia Nicosia.
