Zemra e ashikut hafëz
Nji sofrës t’vjetër i ngjanë
E cila asht e mbushun
Me erzaqe anë me anë
N’tabaqe t’sofrës t’zemrës
Tan ndjenjat i kishin vnu
Për me zgjedhë vet’ zati
Me to çka do maru
Dikush dojka t’amlën hafëz
E ashure zijka
Dikush dojka t’njelmtën
Dikush as shije s’dijka
N’sofër t’zemrës tem hafëz
Kam veç nji erzak
Kam coll mallit e thatë
T’qitun n’nji kadim çanak
Qysh me zi ashure hafëz
Kur t’dymdhetë erzaqet mall i kam
Që m’vlojnë n’kazan t’shpirtit
T’kallun pa derman
