T’tanve nga nji samar hafëz
Na e ngarkoj dynjaja mbi shpinë
Dikujt samar t’mallmylkut
E dikujt ia ngarkoj dashninë
Shpinës tem hafëz
Iu ngarku samari i përmallimit
Me e bajtë daim emanetin
Emin dogri drejt amshimit
Barra e përmallimit tem hafëz
Këtij samari kaishat këputë ia ka
S’gjeta n’asnji çarshi ustah
Që saraç t’mallit din me ba
Nëpër saraçhane t’vjetra hafëz
Mbldha copa për me e arrnu
Samarin tem t’përmallimit
Që n’ezel m’asht ngarku mu
N’kit kadim saraçhane hafëz
Shumë sirre u rujkan, kam pa
Gjeta coll ngarkesa mallimesh
Që kurrë s’u diftuen n’dynja
